2012, ജൂലൈ 9, തിങ്കളാഴ്‌ച

മാറ്റം

തിരികെ കിട്ടാത്ത സ്നേഹം
ഒരു വിങ്ങലായപ്പോള്‍
നീ പറഞ്ഞു:
നാം സ്നേഹിക്കുന്നതിനേക്കാള്‍
നമ്മെ സ്നേഹിക്കുന്നതിനാണ്
പ്രാധാന്യം.

എന്നോട്  താല്പര്യമില്ലാതിരുന്ന
നിന്നെ ഞാനും
നിന്നോട്  താല്‍പര്യമുണ്ടാവാന്‍
നീ മറ്റൊരാളെയും
പ്രണയിച്ചു കൊണ്ടിരുന്നു.

ഒടുവില്‍ സ്നേഹാര്‍ഥനയുടെ
വൃദ്ധിക്ഷയം വന്ന ഭൌതികാവസ്ഥ
പങ്കിടാന്‍
ക്ഷണിച്ചതോടെ
നിനക്ക്  ഞാന്‍ 
'അന്യഗ്രഹ' ജീവിയായി.

അതോടെ
എന്റെ അക്ഷരങ്ങള്‍ക്കും
അര്‍ബുദം ബാധിച്ചു...

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ